Orange-ը մեկնարկեց Orange Կինո ծառայությունը, որի շնորհիվ Orange-ի ձայնային ծառայությունների բաժանորդները կկարողանան շաբաթվա որեւէ օր հրավիրել կինո իրենց ընկերներից մեկին` վճարելով միայն մեկ տոմսի արժեքը:
«Արդեն մեկ տարի գործունեություն ծավալելով Հայաստանում` Orange-ը հանդես է եկել հիմնականում երաժշտական նախաձեռնություններով: Իսկ գարնան առաջին օրը մենք անակնկալ ենք մատուցում նաեւ կինոմաններին: Այսօր սկիզբ է առնում Երեւանի «Մոսկվա» կինոթատրոնի եւ Գյումրիի «Հոկտեմբեր» կինոթատրոնի հետ երկարաժամկետ մի համագործակցություն, որն անկասկած կաշխուժացնի կինոյի նկատմամբ հետաքրքրությունը Հայաստանում: Orange Կինոյի շնորհիվ այսուհետեւ շաբաթվա բոլոր օրերը կինոյի օրեր են լինելու», ասաց Orange-ի գլխավոր տնօրեն Բրունո Դյութուան :
Orange Կինոն տարբեր անվանումներով արդեն իսկ գործում է Orange-ի ներկայության բազմաթիվ երկրներում եւ զգալիորեն փոխել է այդ երկրներում կինոհաճախման մշակույթը:
«Մենք կարծում ենք, որ յուրաքանչյուր ֆիլմ ավելի լավն է դառնում, երբ մենակ չես նայում: Ահա թե ինչու մենք նախաձեռնեցինք Orange Կինոն, որը մեր բաժանորդներին թույլ է տալու միշտ երկուսով գնալ կինո: Մեր նախնական ուսումնասիրությունները ցույց են տվել, որ մեր բաժանորդների, եւ հատկապես երիտասարդ բաժանորդների համար ֆիլմի տոմսի գինը կարող է խոչընդոտ դառնալ իրենց հետաքրքրող ֆիլմերը դիտելու համար: Այսուհետեւ գինն այլեւս խոչընդոտ չէ», ասաց Orange-ի մարկետինգի տնօրեն Արամ Մկրտչյանը :
Ծառայությունից կարող են օգտվել Orange Խոսենք, Ամեն ամիս եւ Բիզնես ծառայությունների բաժանորդները շաբաթվա ամեն օր` օրական մեկ անգամ: Ծառայությունն ակտիվացնելու համար անհրաժեշտ է ուղարկել kino բառը 5555 կարճ համարին, ստանալ ծածկագիրը, որի ժամանակ բաժանորդի հաշվից կգանձվի 1500 դրամ, այնուհետեւ նույն օրն իսկ ծածկագիրը ներկայացնել Երեւանի «Մոսկվա» կամ Գյումրիի «Հոկտեմբեր» կինոթատրոնների տոմսարկղ եւ ստանալ այդ օրը որեւէ ֆիլմի երկու տոմս: Orange Խոսենքի բաժանորդները ծառայությունից օգտվելու համար պետք է հաշվին ունենան նվազագույնը 2000 դրամ:
Երեւանում Orange Կինոն արդեն հասանելի է Orange-ի ձայնային ծառայությունների բաժանորդների համար, իսկ Գյումրիում կմեկնարկի հաջորդ շաբաթ:
Orange Կինոյի մանրամասներին ծանոթանալու համար այցելեք kino.orangearmenia.am: