Լրատվամիջոցների ղեկավարների մի խումբ դիմել է արդարադատության նախարար Հրայր Թովմասյանին` «Արթիկ» քրեակատարողական հիմնարկում ազատազրկման պատիժը կրող «Հայկական ժամանակ» օրաթերթի գլխավոր խմբագիր Նիկոլ Փաշինյանին տեսակցելու խնդրանքով: Դիմումում նշված է, որ քրեակատարողական օրենսգիրքը թույլատրում է տեսակցել դատապարտյալների հետ, առավել եւս` լրատվամիջոցների ներկայացուցիչներին: Խնդրանքը չմերժելու հույսով դիմումը ստորագրել են Արամ Աբրահամյանը («Առավոտ»), Սաթիկ Սեյրանյանը («168 ժամ»), Արման Բաբաջանյանը («Ժամանակ»), Շողեր Մաթեւոսյանը («Չորրորդ ինքնիշխանություն»), Արմինե Օհանյանը («Հրապարակ), Էդիկ Բաղդասարյանը («Հետք»), Հայկազն Ղահրիյանը («Լրագիր»), Արգիշտի Կիվիրյանը («Armenia today»), Արմենիկա Կիվիրյանը («News.am»), Մեսրոպ Մովսեսյանը («Ա1+»), Արմեն Մելիքբեկյանը («EPRESS. am»):