Այսօր, ժամը 14-ին մանկավարժական համալսարանի կուլտուրայի ֆակուլտետի դահլիճում բացառիկ դասախոսությամբ հանդես կգա քաղաքագետ, Նյու Յորքի «Ժողովրդավարություն եւ համագործակցություն» ինստիտուտի տնօրեն Անդրանիկ Միհրանյանը, «Վերջին շրջանում մահմեդական մի շարք երկրներում տեղի ունեցած քաղաքական ցնցումները եւ դրանց հետեւանքները հետխորհրդային տարածքում» թեմայով:
Բարսեղ Գարթալյանը «Հայաստան» հիմնադրամի Ամերիկայի կորպորատիվ վարչության անդամ
Կալիֆոռնիայի հայկական համայնքի ճանաչված եւ գործունյա անդամներից, Թեքեյան մշակութային միության Արշակ Տիգրանյան վարժարանի փոխտնօրեն Բարսեղ Գարթալյանը ԹՄՄ-ի տնօրենների կենտրոնական վարչության որոշմամբ նշանակվել է «Հայաստան» հիմնադրամի Մ. Նահանգների արեւմտյան շրջանի կորպորատիվ վարչության անդամ, տեղեկացնում է այդ առթիվ ԹՄՄ-ից ստացված հաղորդագրությունը:
1994-ին հիմնված վերոնշյալ հիմնադրամը ավելի քան 200 միլիոն դոլարի զարգացման եւ մարդասիրական օժանդակություն է ցուցաբերել Հայաստանին եւ Լեռնային Ղարաբաղին:
Հ. Ծ.