Շուրջ մեկ ամիս է մնացել Կազանում անցկացվելիք շախմատի աշխարհի առաջնության եզրափակիչի հավակնորդների մրցախաղի մեկնարկին: Լեւոն Արոնյանը, որը քառորդ եզրափակիչում մրցելու է ռուսաստանցի Ալեքսանդր Գրիշչուկի հետ, այս օրերին Երեւանում ուսումնամարզական հավաք է սկսել: Դա Արոնյանի արդեն 2-րդ հավաքն է: Առաջինը նա անցկացրել էր Ծաղկաձորում: Այդ հավաքից հետո Լեւոնը գերազանց հանդես եկավ Մոնտե Կառլոյում անցկացված «Ամբեր» մրցաշարումՙ արժանանալով գլխավոր մրցանակին: