Ապրիլի 18-ին ժամը 13.30-ին Հայաստանի պետական ճարտարագիտական համալսարանի ճեմասրահում` «Մարդը եւ տիեզերքը» հանրապետական ֆիլատելիստական ցուցահանդեսի անցկացման վայրում, տեղի ունեցավ տիեզերագնացությանը նվիրված երկու նամականիշների մարման պաշտոնական արարողությունը: Նամականիշներից մեկը նվիրված էր Յուրի Գագարինի տիեզերք կատարած թռիչքի 50 - ամյակին, մյուսը` օդերեւութաբանական արբանյակների գլխավոր կոնստրուկտոր Անդրանիկ Իոսիֆյանին:
Արարողությունն իրականացրեցին ՀՀ տրանսպորտի եւ կապի նախարարի տեղակալ Վալտեր Մարությանը, Ռուսաստանի տիեզերական գործակալության ղեկավարի տեղակալ Սերգեյ Սավելեւը, Հայփոստ ՓԲԸ գլխավոր գործադիր տնօրեն Արման Խաչատուրյանը եւ Հայաստանի Ֆիլատելիստների միության նախագահ Հովիկ Մուսայելյանը: Վերջիններս ողջունեցին եւ շնորհավորեցին ներկաներին` իրենց խոսքի մեջ տիեզերագնացության եւ Յուրի Գագարինի` դեպի տիեզերք կատարած թռիչքի 50-ամյակին նվիրված միջոցառումների շարքում հայկական նամականիշների թողարկման կարեւորությունը:
Նամականիշների տեխնիկական հատկանիշներն են`
12.04.1961 Յուրի Գագարինի տիեզերք կատարած թռիչքի 50-ամյակը
Նամականիշ
Տպարանը` Lowe Martin Group (Կանադա)
նամականիշի չափը` 40,0 x 24,5 մմ
Մեկ թերթի վրա` 10 (2x5)
Անվանագինը` 350 դրամ
Տպաքանակը` 40 000
հեղինակՙ Հ. Սամուելյան
Անդրանիկ Իոսիֆյան 1905-1993, օդերեւութաբանական արբանյակների գլխավոր կոնստրուկտոր
Նամականիշ
Տպարանը` Lowe Martin Group (Կանադա)
Նամականիշի չափը 24,5x40,0 մմ
Մեկ թերթի վրա` 10 (5x2)
Անվանագինը` 200 դրամ
Տպաքանակըՙ 40 000
հեղինակՙ Հ. Սամուելյան
«Հայփոստ» ՓԲԸ