«Իդեալ համակարգ»-ի խանութ-սրահների առաջարկած ավելի քան 30.000 անուն ապրանքատեսակից եւ 100 բարձրակարգ ծառայություններից օգտվելու համար այսուհետեւ Կոտայքի մարզի բնակիչները ստիպված չեն լինի այցելել մայրաքաղաք` անհրաժեշտ գնումներ կատարելու համար: Աբովյան քաղաքի Հատիսի փողոց 1/52 հասցեում գտնվող եռահարկ նորաբաց խանութ-սրահում հաճախորդը կգտնի հարմարավետ, ճաշակով եւ գեղեցիկ ինտերիեր ստեղծելու համար նախատեսված ամեն ինչ` ջեռուցման համակարգեր, ներկեր, դռներ, պաստառներ, ջահեր, լոգասենյակային կահույք եւ այլն: Հանդիսանալով շինարարական ապրանքների արտադրության եւ վաճառքի խանութ-սրահների ամենամեծ ցանցը տարածաշրջանում, «Իդեալ համակարգը», հավատարիմ մնալով որդեգրած քաղաքականությանը, շուկայում առանձնանում է նոր եւ որակյալ ապրանքատեսականիով ու ծառայություններով` ապահովելով հարմարավետության եւ հասանելիության ժամանակակից չափանիշներ: «Իդեալ համակարգում» վաղուց գտել են բազմաթիվ տարբերակներ, որոնք օգնում են հաճախորդինՙ վերանորոգումը դարձնել հաճելի գործընթաց:
«Իմեքս գրուպ» ընկերության նախագահ Նորայր Խաչատրյանը Աբովյան քաղաքում «Իդեալ համակարգ»-ի խանութ-սրահի բացման արարողության ժամանակ փաստեց, որ ընկերությունն արդեն մեկ տարի որդեգրել է հաճախորդներին ավելի մոտենալու սկզբունք: «Այդ ռազմավարությունից ելնելովՙ «Իդեալ համակարգի» խանութ-սրահներ են գործում Շիրակի, Արմավիրի, Լոռու, Գեղարքունիքի եւ Կոտայքի մարզերում: Նպատակն է` կարճ ժամանակահատվածում հանրապետության բոլոր մարզերում ներկայացնել «Իդեալ համակարգ» խանութ-սրահների տեսականին:
Նորայր Խաչատրյանը հավելում է, որ մարզերում բացված խանութ-սրահներում գնային քաղաքականությունը, զեղչային համակարգն ու տեսականին չեն տարբերվում երեւանյան սրահներից: Բացի դրանից, մարզերի բնակիչները հարկ չունեն մտածելու ձեռք բերված ապրանքների տեղափոխման խնդրի մասին, կազմակերպությունը հոգացել է նաեւ դաՙ կազմակերպելով անվճար առաքում դեպի մարզեր:
«Իմեքս գրուպը» ցուցաբերում է սոցիալական ուղղվածության բիզնես: Ոչ միայն այն փաստով, որ իր գործունեությունը տարածում է նաեւ մարզերում, այլեւ սպասարկման ոլորտի առանձնահատկություններով նպաստում ազգաբնակչության լայն խավերին օգտվելու բազմաթիվ ակցիաներից, որոնք պարբերական բնույթ են կրում: Երկրորդ հանգամանքը` անկախ ճգնաժամի հետեւանքներից, անկախ տնտեսական աճի տեմպերից, «Իդեալ համակարգը» շարունակում է իր վստահ աշխատանքը», ասաց Արդյունաբերողների ու գործարարների միության նախագահ Արսեն Ղազարյանը:
«Իդեալ համակարգ»-ն առանձնանում է շահավետ ակցիաների կազմակերպմամբ` ընձեռելով սպառողներին կատարել խնայողություններ: Ջեռուցման ոլորտում մինչեւ ապրիլի 30-ը կգործի «500 խորանարդ/մետր գազ նվեր» ակցիան, համաձայն որի «Իդեալ համակարգ»-ի խանութ սրահներից ձեռք բերելով ջեռուցման համակարգերՙ սպառողները կստանան նվեր 500 խմ գազ, 20 տոկոս զեղչ եւ անվճար տեղադրում: Կազմակերպության առանաձնահատկություններից է բարձր որակավորում ունեցող անձնակազմը, որը հաճախորդին կօգնի ապրանքների եւ ծառայությունների բազմազանության մեջ կատարել ճիշտ ընտրություն` գտնել յուրօրինակ ոճն ու ընդգծել անհատականությունը:
ՀԱՍՄԻԿ ՀԱՐՈՒԹՅՈՒՆՅԱՆ, Աբովյան-Երեւան