Ռումինական Էֆորիա քաղաքում ընթացող շախմատի մրցաշարի վերջին 3 տուրերն անհաջող էին Սուրեն Պետրոսյանի համար: Մինչ այդ անպարտելի հայ շախմատիստը 2 պարտություն կրեցՙ զիջելով Մարիուս Մանոլաչեին եւ Բելա Բադեային: Երկու պարտությունների միջեւ նա հաղթեց Աննա-Ռոքսանա Անտոնին: Անհաջող ելույթների պատճառով Սուրեն Պետրոսյանը զգալիորեն վատթարացրեց մրցաշարային վիճակը: 7 տուրից հետո նա 4 միավորով 14-րդ տեղում է:
Աղյուսակը գլխավորում է 5,5 միավոր ունեցող բելառուս Ալեքսեյ Ֆյոդորովը: Յոթ շախմատիստներՙ Վադիմ Մալախատկոն, Սերգեյ Տիվյակովը, Ալեքսեյ Գավրիլովը, Մարիուս Մանոլաչեն, Կոստին-Լուկիան Միրոնը, Իզաբելա-Կորինա Պեպտանը եւ Բելա Բադեան 5-ական միավորով հետապնդում են առաջատարին: