2011թ. օգոստոսի 2-ից 17-ը Խ. Աբովյանի անվան հայկական պետական մանկավարժական համալսարանն անցկացրեց ՀՀ կառավարության հաստատված 16 ավագ դպրոցների ուսուցիչների որակավորման բարձրացման դասընթացները, որոնց մասնակցեցին ՀՀ մարզերի եւ Երեւան քաղաքի ավագ դպրոցների 178 ուսուցիչներ:
Որակավորման բարձրացման դասընթացներին մասնակցել են 43 դասախոսներ Խ. Աբովյանի անվան ՀՊՄՀ-ից, Երեւանի պետական համալսարանից, Երեւանի պետական բժշկական համալսարանից, Հայ-ռուսական (Սլավոնական) համալսարանից, կրթության եւ գիտության նախարարության կրթության ազգային ինստիտուտից, Գնահատման եւ թեստավորման կենտրոնից:
Որակավորման բարձրացման դասընթացներին ընդգրկվել են հանրապետության առաջատար մասնագետներ, ովքեր ունեն այդ բնագավառում երկարամյա փորձ. ավագ դպրոցի դասագրքերի, ծրագրերի, ուսումնական ձեռնարկների հեղինակ են, մասնակցել են նախորդ որակավորման բարձրացման դասընթացներին:
Խաչատուր Աբովյանի անվան հայկական պետական մանկավարժական համալսարանի կուլտուրայի ֆակուլտետի դահլիճում տեղի ունեցավ մասնագիտական որակավորման բարձրացման դասընթացը հաջողությամբ ավարտած ավագ դպրոցների ուսուցիչների հավաստագրերի պաշտոնական հանձման արարողությունը, որին մասնակցեցին ՀՊՄՀ ռեկտոր Ռուբեն Միրզախանյանը, ՀՀ կրթության եւ գիտության փոխնախարար Մանուկ Մկրտչյանը եւ ԿԳՆ ԾՒԳ-ի տնօրեն Հայկ Մաղաքյանը: