Չինաստանի Շենչժեն քաղաքում մեկնարկեց շախմատի կանանց Գրան պրիի խաղարկության 2-րդ փուլը: Առաջին փուլում անհաջող հանդես եկած Էլինա Դանիելյանը մրցաշարը սկսեց պարտությամբ: Նրա մրցակցուհին Սլովենիան ներկայացնող Աննա Մուզիչուկն էր: Սեւերով խաղացող Դանիելյանը 2 զինվոր պակաս ուներ, ընդ որում սպիտակների զինվորն արդեն հասել էր 7-րդ հորիզոնական ու սպառնում էր վերածվել թագուհու: Ուստի 64-րդ քայլին Դանիելյանը հանձնվեց:
Եվս երկու պարտիա արդյունավետ ելք ունեցավ: Մրցաշարը հաջող սկսեց աշխարհի չեմպիոնուհի Հոու Յիֆանը, որը սպիտակներով հաղթեց Եկատերինա Կովալեւսկայային: Չժաո Սյուն պարտության մատնեց Բաթյույագ Մունգոնտուլին: Ոչ-ոքի ավարտվեցին Յիլդիզ-Ժու Չեն, Չժունի-Վենցզյուն, Չմիլիտե-Լուֆեյ պարտիաները: