Լատվիայի մայրաքաղաք Ռիգայում մեկնարկում է սամբոյի պատանիների, երիտասարդների եւ աղջիկների աշխարհի 2011-ի առաջնությունը: Հայաստանից մրցագորգ դուրս կգան 24 սամբիստներ: Պատվիրակությունը ղեկավարում է սամբոյի Հայաստանի ֆեդերացիայի նախագահ Լեւոն Հայրապետյանը:
Հայ սամբիստները հաջող են հանդես գալիս միջազգային ամենաբարձր կարգի մրցումներում: Անցած տարի Թբիլիսիում կայացած աշխարհի առաջնությունում հայ սամբիստները նվաճել էին 6 մեդալ: Աշխարհի չեմպիոն էր հռչակվել Գրիգոր Մխիթարյանը (48 կգ), արծաթե մեդալներ էին նվաճել Ալբերտ Քարհանյանն (74 կգ) ու Ռուդոլֆ Ոսկանյանը (87 կգ), իսկ Գոռ Մալյանը (52 կգ), Մհեր Կարապետյանը (75 կգ) եւ Գարեգին Խաչատրյանը (90 կգ) դարձել էին բրոնզե մրցանակակիրներ: