Էստոնիայի մայրաքաղաք Տալլինում ավարտված գեղասահքի միջազգային մրցաշարում գերազանց ելույթ ունեցան Հայաստանը ներկայացրած պատանի գեղասահորդներ Սարգիս եւ Սլավիկ Հայրապետյան եղբայրները: 19-ամյա Սարգիսը տղաների մենասահքում դարձավ մրցաշարի հաղթող, իսկ նրա կրտսեր եղբայրըՙ 14-ամյա Սլավիկը գրավեց 2-րդ տեղը:
Նշենք, որ մեր պատանի գեղասահորդները Հայաստանի գեղասահքի ֆեդերացիայի նախագահ Սամվել Խաչատրյանի նախաձեռնությամբ եւ մարզաձեւի ՌԴ ֆեդերացիայի աջակցությամբ վաղուց մարզվում են Մոսկվայում իրենց հորՙ ուսանողական համաշխարհային խաղերի բրոնզե մեդալակիր, միջազգային կարգի սպորտի վարպետ, գեղասահքի ՀՀ հավաքականի նախկին գլխավոր մարզիչ Սամվել Հայրապետյանի ղեկավարությամբ:
Այժմ պատանի գեղասահորդները նախապատրաստվում են հաջորդ տարվա հունվարին անգլիական Շեֆիլդ քաղաքում կայանալիք Եվրոպայի առաջնությանը: