ԱՄՆ-ի Սենտ Լուիս քաղաքում ընթացող շախմատի մրցաշարի հերթական 2 տուրերն անհաջող էին Տաթեւ Աբրահամյանի համար: Նա պարտություններ կրեց Իրինա Կրուշից եւ Անդրե Դիամանտից: 5 տուրից հետո Տաթեւը 1,5 միավորով 8-րդ տեղում է: Առայժմ միավոր չեն վաստակել Դանիել Ռենշն ու Անգելո Յունգը:
4,5-ական միավորով առաջատարներն են վրացի Գեորգի Կաչեյշվիլին եւ բրազիլացի Անդրե Դիամանտը: Կաչեյշվիլին հաղթեց Գրեգորի Շահադեին ու Անգելո Յունգին, իսկ Դիամանտը Աբրահամյանից բացի, պարտության մատնեց նաեւ Մարկ Առնոլդին: 6-րդ տուրում Աբրահամյանը սեւերով կխաղա թուրքմեն Մեսգեն Ամանովի հետ: