ԱԱԽ քարտուղար Արթուր Բաղդասարյանն ընդունել է Համաշխարհային բանկի պարենի ապահովման ծրագրերի ներկայացուցիչ Ջուզեպպե Ֆանտոզիին:
Հանդիպման ընթացքում քննարկվել են Հայաստանում պարենային անվտանգության ապահովմանը, ինչպես նաեւ այս ոլորտում միջազգային համագործակցությանն առնչվող հարցեր:
Արթուր Բաղդասարյանը նշել է, որ համապատասխան միջգերատեսչական հանձնաժողովի կողմից միջազգային փորձի ուսումնասիրությամբ մշակվել է ՀՀ պարենային անվտանգության հայեցակարգը, որի հիման վրա կառավարությունը մշակել է ծրագիր: ԱԱԽ քարտուղարը կարեւորել է այս աշխատանքներում համաշխարհային փորձի եւ միջազգային լավագույն պրակտիկայի կիրառումը:
Ջուզեպպե Ֆանտոզին պատրաստակամություն է հայտնել շարունակական համագործակցություն ծավալել Ազգային անվտանգության խորհրդի աշխատակազմի` պարենային անվտանգության հարցերով ստորաբաժանման հետ` փորձի եւ արդի զարգացումների վերաբերյալ տեղեկատվության փոխանակման նպատակով: