Ամերիկայի Հայ եկեղեցու արեւելյան թեմը հպարտությամբ տեղեկացնում է, որ թողարկվել է Հայ եկեղեցու այնպիսի էլեկտրոնային գիրք, որն առաջին անգամ նախագծված է iPad համակարգիչների համար: Թվային այս հրատարակության մեջ ամփոփված է Հակոբ Ներսոյանի «Սուրբ Վարդանանց պատմությունը», սակայն ինտերակտիվ հերոսների, տեսանյութերի, լուսանկարների, ձայնագրությունների ու այլ արտահայտչամիջոցների օգնությամբ: Արդեն հնարավոր կլինի համակարգչով թերթել պատմական քարտեզները եւ լսել հերոսների խոսքը: Գիրքն ազատ կարելի է բեռնել iBookstore էլեկտրոնային խանութից:
Ի. Պ.