Ֆուտբոլի Հայաստանի կանանց հավաքականը հերթական խոշոր հաշվով պարտությունը կրեց Եվրո-2013-ի ընտրական մրցաշարումՙ հյուրընկալվելիս 0-6 հաշվով զիջելով Պորտուգալիայի ընտրանուն: Հայաստանի հավաքականը 6-րդ անընդմեջ պարտությունը կրեց: 6 հանդիպումներում մեր ֆուտբոլիստուհիները բաց են թողել 38 գնդակՙ չկարողանալով գոնե մեկ գոլ խփել:
Նախորդ 5 հանդիպումներում մեր հավաքականը պարտվել էր Պորտուգալիայի (0-8), Դանիայի (0-5, 0-11), Ավստրիայի (0-3) եւ Չեխիայի (0-5) ընտրանիներին: Հաջորդ խաղը մեր հավաքականը կանցկացնի ապրիլի 1-ին Երեւանումՙ հյուրընկալելով Ավստրիայի ընտրանուն:
Ընտրական 7-րդ խմբում 12 միավորով առաջատարը Դանիայի հավաքականն է, որը հաղթել է բոլոր չորս խաղերում: