Սոֆիայում ավարտվեց բռնցքամարտի միջազգային մրցաշարը: Կիսաեզրափակիչ մտած մեր 3 բռնցքամարտիկներից եւ ոչ մեկին չհաջողվեց եզրափակիչի ուղեգիր նվաճել: Նրանք բավարարվեցին բրոնզե մեդալներով: Մինչեւ 49 կգ քաշային կարգում Հովհաննես Դանիելյանը պարտվեց Ալեքսանդր Ալեքսանդրովին (9-25): Անհաջողության մատնվեց նաեւ Արթուր Խաչատրյանը (81 կգ)ՙ զիջելով կուբացի Ժուլիո Սեզար Կրուզին (4-15): Գերծանրքաշային Սերգո Պողոսյանն էլ չկարողացավ առավելության հասնել մեկ այլ կուբացուՙ Էրիսլանդի Սավոնի նկատմամբ (4-13):