Փետրվարի 29-ին Իրանի Ռաշտ քաղաքում կմեկնարկի շախմատի Խազարի գավաթի 10-րդ խաղարկությունը: 12 երկրների 94 շախմատիստների թվում են նաեւ մեր հանրապետության 4 ներկայացուցիչներըՙ Ավետիք Գրիգորյանը, Լեւոն Բաբուջյանը, Արսեն Եղիազարյանն ու Արման Հայրապետյանը: Ավետիք Գրիգորյանն իր վարկանիշով (2621) մասնակիցների ցանկում 3-րդն է: Ավելի բարձր վարկանիշ ունեն Հոլանդիան ներկայացնող Սերգեյ Տիվյակովը (2677) եւ ռուսաստանցի Սերգեյ Վոլկովը (2633): Լեւոն Բաբուջյանն իր վարկանիշով (2474) 16-րդն է, Արսեն Եղիազարյանը (2430)ՙ 26-րդը, իսկ Արման Հայրապետյանը (2377)ՙ 37-րդը: