Մինսկում մեկնարկած գեղասահքի մինչեւ 20 տարեկանների աշխարհի առաջնությունում հաջող է հանդես գալիս Հայաստանի միակ ներկայացուցիչ Սլավիկ Հայրապետյանը: 15-ամյա պատանին հաջողությամբ է հաղթահարել որակավորման փուլի արգելքը: Նա այս փուլի 25 մասնակիցների մեջ 88,31 միավորով զբաղեցրել է 11-րդ տեղն ու իրավունք է ստացել հանդես գալու եզրափակիչում:
Սլավիկ Հայրապետյանը կմասնակցի մարտի 1-ին կայանալիք եզրափակիչ փուլի կարճ ծրագրի մրցումներին: Այստեղ հանդես կգան 30 գեղասահորդներ: Լավագույն արդյունքի հասած 24 գեղասահորդներն իրավունք կստանան մասնակցելու ազատ ծրագրի մրցումներին, որոնք տեղի են ունենալու մարտի 3-ին: Հենց այդ մրցումներն էլ ի հայտ կբերեն գեղասահքի աշխարհի առաջնության մրցանակակիրներին: