Հայաստանի ազգային հավաքականը երեկ Կիպրոսում ընկերական 2-րդ հանդիպումն անցկացրեց` մրցելով Կանադայի ընտրանու հետ: Այս անգամ մեր ընտրանին խաղադաշտ էր դուրս եկել մարտական կազմով ու դա տվեց իր դրական արդյունքը: Թեեւ խաղասկզբում անկյունայինի խաղարկումից հետո Քեւին Մկքենը գլխի հարվածով բացեց հաշիվը, սակայն դա բնավ էլ չընկճեց մեր ֆուտբոլիստներին: Դրսեւորելով կամային հատկանիշներ, ՀՀ հավաքականը կարողացավ բեկում մտցնել մրցակցությունում ու վստահ հաղթանակ տոնեց:
Դեռեւս առաջին խաղակեսում Մարկոս Պիզելին վերականգնեց հավասարակշռությունը, իսկ ընդմիջումից հետո առաջ մղեց մեր հավաքականին: Իսկ խաղավերջում 11մ հարվածը վստահ իրացրեց հավաքականի կազմում նորամուտը նշած Արազ Օզբիլիսը, որի խաղը իրոք լավ տպավորություն թողեց: Մեր հավաքականը 3-1 հաշվով կամային հաղթանակ տոնեց: