Հայտնի է դարձել ֆուտբոլի Եվրոպայի մինչեւ 19 տարեկանների պատանեկան հավաքականների 2-րդ փուլի խաղացանկը: Ինչպես հայտնի է, Հայաստանի հավաքականը հանդես է գալու Իտալիայում կայանալիք ընտրական մրցաշարում:
Վարազդատ Ավետիսյանի սաներն առաջին խաղումՙ մայիսի 23-ին ուժերը կչափեն իսպանացիների հետ: 2 օր անց հայ ֆուտբոլիստները կմրցեն բելգիացիների հետ, իսկ մայիսի 28-ին մրցակիցը կլինի Իտալիայի պատանեկան հավաքականը: Եվրոպայի առաջնության եզրափակիչ փուլի ուղեգիր կնվաճեն միայն ընտրական խմբերի հաղթողները: