Bleacherreport.com կայքը կազմել է մինչեւ 23 տարեկան այն տաղանդավոր ֆուտբոլիստների տասնյակը, որոնց մասին արեւմուտքի երկրպագուները քիչ են տեղեկացված: Այդ ցանկում ընդգրկված է նաեւ Հայաստանի ազգային հավաքականի եւ Դոնեցկի «Շախտյորի» կիսապաշտպան Հենրիխ Մխիթարյանը:
Ամերիկյան կայքը Մխիթարյանի խաղը համեմատել է Լոնդոնի «Չելսիի» «աստղերից» մեկիՙ Ֆրենկ Լեմփարդի հետ, նշելով գնդակի հետ վարվելու, ճշգրիտ փոխանցումներ կատարելու եւ միջին գիծը հարձակման հետ կապելու հայ ֆուտբոլիստի հիանալի հատկությունները:
Օրերս Մխիթարյանը «Շախտյորի» հերթական խաղում վնասվածքի պատճառով փոխարինվել էր: Բուժզննությամբ պարզվել է, որ նրա մեջքի մկանն էր ձգվել: