«Ամերիկայի հայկական եկեղեցու արեւելյան թեմը հպարտությամբ ծանուցում է, որ մշակել է iPad-ի համար նախատեսված առաջին էլեկտրոնային գիրքը (iBook) նվիրված Վարդանանց հերոսական պատերազմին», հաղորդում է ԹՄՄիության Կանադայի «Ապագայ» շաբաթաթերթի անգլերեն բաժինը. ներկայացված է Հակոբ Ներսոյանի «Սրբոց Վարդանանց պատմությունը»ՙ ինտերակտիվ առանձնահատկություններով, նկարներով եւ բառարանով: Օգտվողները կարողանալու են ոչ միայն դիտել պատմական քարտեզները, այլեւ լսել Վարդան զորավարի եւ Ղեւոնդ երեցի հուզիչ ճառերը ճակատագրական Ավարայրի մարտից առաջ:
Էլեկտրոնային այս գիրքը վերջին ձեռքբերումն է Արեւելյան թեմի նմանատիպ աշխատանքների շարքում, որը հնարավոր է անվճար ներբեռնել iPhone եւ Անդրոիդ պլատֆորմով հեռախոսների մեջ:
Լրացուցիչ տեղեկությունների համար խորհուրդ է տրվում այցելել www.armenianchurch-ed.net կայքը:
Հ. Ծ.