Ինչպես տեղեկացանք ՀՀ հատուկ քննչական ծառայությունից, շարունակվում է նախաքննությունը ՀՀ Հատուկ քննչական ծառայության վարույթում գտնվող 2012 թ. մարտի 3-ից քննվող ՀՀ քրեական օրենսգրքի 238-րդ հոդվածի 3-րդ մասի 2-րդ կետի հատկանիշներով հարուցված քրեական գործը: Քր. գործի շրջանակներում ՀՀ ոստիկանության զորքերի հրամանատարի տեղակալ Վանիկ Մանուկյանին մեղադրանք է առաջադրվել զենք, ռազմամթերք հափշտակելու համար: Մարտի 6-ին Վանիկ Մանուկյանի նկատմամբ որպես խափանման միջոց կիրառվել է կալանավորումը: Նախաքննության ընթացքում հարցաքննվել եւ հարցաքննվում են բազմաթիվ վկաներ: Քրեական գործով կասկածյալի եւ մեղադրյալի կարգավիճակ ունեցող այլ անձինք չկան, տեղեկացնում է քննչական ծառայությունը:
Մ. Մ.