Քաղաքապետ Տարոն Մարգարյանի հրավերով արդեն մեկ շաբաթ Երեւանում են հայ մեծահարուստ, մեծ բարերար Ալեքսանդր Մանթաշյանցի թոռըՙ Ալեքսանդր Մանթաշյանցը, եւ ծոռըՙ Միքայելը: Մանթաշյանցներին ընդունել են Երեւանի քաղաքապետ Տարոն Մարգարյանը, սփյուռքի նախարար Հրանուշ Հակոբյանը: Իսկ երեկ ներկա են գտնվել բարերարի արձանի բացմանը: Աբովյան-Սայաթ-Նովա փողոցների հատման մասում այսուհետեւ անցորդները մի պահ կանգ կառնեն ու կծանոթանան հայ հայտնի նավթարդյունահանող բարերար Մանթաշյանցի կյանքին ու գործունեության մասին պատմող ոչ միայն ՀՀ վաստակավոր քանդակագործ Տիգրան Արզումանյանի բրոնզաձույլ արձանին, այլեւ բարերարի մասին հրատարակված գործերին: Իսկ «Մոսկվա» կինոթատրոնում ցուցադրվեց «Մանթաշյանցների պատգամները» ֆիլմը:
Մ. Մ.