Այս տարի նախատեսված 140 շենքերից 35-ի ճակատային հատվածներն արդեն լվացվել են, վերանորոգվել ու ներկվել: Լուսավորվել են 168 բակ եւ 14 այգի: Բակային տարածքների բարեկարգման աշխատանքները շարունակական են լինելու. եւս 300 բակային տարածք բարեկարգվելու է:
Մայրաքաղաքում տեղադրվել են 437 նստարան եւ 295 աղբաման: Քաղաքապետարանում երեկ կայացած խորհրդակցությանը Տարոն Մարգարյանը հանձնարարել է նստարաններ ու աղբամաններ տեղադրել նաեւ մյուս վարչական շրջաններում:
Անդրադառնալով մայրաքաղաքի փողոցներում եւ բակային տարածքներում իրականացվող ասֆալտապատման աշխատանքներինՙ քաղաքապետը հանձնարարել է ամենօրյա հսկողություն սահմանել եւ խստորեն հետեւել որակի պահպանմանը: Հանրակրթական դպրոցների ջեռուցման խնդրի վերաբերյալ քաղաքապետը հանձնարարել է սեղմ ժամկետում գույքագրել եւ ներկայացնել մայրաքաղաքում ջեռուցման կարիք ունեցող դպրոցների ցանկն ու անհրաժեշտ աշխատանքների համար պահանջվելիք փաստաթղթերը:
Հ. Հ.