Ինչպես տեղեկացանք ՀՀ առողջապահության նախարարի մամուլի քարտուղար Շուշան Հունանյանից , մայիսի 23-ի դրությամբ, մայրաքաղաքի բժշկական հաստատություններում բուժում է ստանում մայիսի 4-ին Հանրապետության հրապարակում փուչիկների պայթյունից տուժած 17 քաղաքացի: Հիվանդների վիճակը բժիշկները գնահատում են բավարար: Գերմանիայի Հայդելբերգ քաղաքի համալսարանական կլինիկայի պլաստիկ, վերականգնողական վիրաբուժության եւ այրվածքների կենտրոնի պրոֆեսոր Ադրիան Դայգլերն արդեն վիրահատել է ութ տուժած քաղաքացու: Վիրահատություններն անցել են հաջող, եւ հետվիրահատական շրջանը, պրոֆեսորի գնահատմամբ, գերազանց է:
Մ. Մ.