Հայաստանի Հանրապետության կենտրոնական բանկը «Աշխարհի հայտնի ռեժիսորները» միջազգային դրամագիտական ծրագրի շրջանակում թողարկել է արծաթե հուշադրամ` նվիրված Սերգեյ Փարաջանովին:
Հուշադրամի դիմերեսի աջում պատկերված է Սերգեյ Փարաջանովի կոլաժից հատված, ձախ մասում Փարաջանովի դիմապատկերն է: Կենտրոնում կինոխցիկ է ամրակալանի վրա, որից աջ ճեղքված նուռ է, իսկ ձախ` դրամահատարանի առեւտրային նիշը: Ներքեւում Հայաստանի Հանրապետության զինանշանն է եւ հուշադրամի անվանական արժեքը` «DRAM 100 ԴՐԱՄ»: Ձախում ուղղահայաց հայերեն, իսկ ներքեւում հորիզոնական անգլերեն համապատասխանաբար մակագրված ենՙ «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» եւ «REPUBLIC OF ARMENIA»: Վերեւի աջում ուղղահայաց նշված է թողարկման տարեթիվը` «2012»:
Հուշադրամի դարձերեսի կենտրոնում Փարաջանովի դիմապատկերն է, որից վերեւ «SERGEI PARAJANOV» ոճավորված մակագրությունն է: Վերեւի աջ անկյունում Փարաջանովի «Ֆաբերժեի հիշատակին» կոլաժից հատված է, իսկ դրանից ներքեւՙ Փարաջանովի ինքնատիպ ստորագրությունը, որն ավարտվում է անսովոր կափարիչով. ռեժիսորը դրա վրա քերծելով գծել է Պուշկինի դիմանկարը: Ձախ կողմում ուղղահայաց մակագրված են Փարաջանովի ծննդյան եւ մահվան տարեթվերը` «1924 - 1990»:
Հուշադրամի ուրվագծերի հեղինակն է Ուրսուլա Վալեժակը: Հուշադրամը հատվել է Լեհաստանի դրամահատարանում:
Հուշադրամի բնութագիրը.
| Անվանական արժեքը | 100 դրամ |
| Մետաղը եւ հարգը | արծաթ, 9250 |
| Քաշը | 28,28 գ |
| Չափը | 28,0 x 40,0 մմ |
| Դրամաշուրթը | հարթ |
| Որակը | պրուֆ |
| Տպաքանակը | մինչեւ 5555 հատ |