Հյուսիսային պողոտայում ՎիվաՍել-ՄՏՍ-ը եւ «Samsung Electronics»-ի հայաստանյան ներկայացչությունը, ներկայացրին Galaxy SIII սմարթֆոնը: Սմարթֆոնը ներկայացնելու համար կազմակերպված երաժշտական ձեւավորմամբ զվարճալի միջոցառումը հաճելի անակնկալ էր երկար սպասված GALAXY S III-ի երկրպագուների եւ լրատվամիջոցների համար:
Միջոցառման մասնակիցներին հնարավորություն էր տրված սմարթֆոնը փորձարկել Հյուսիսային պողոտայում տեղակայված` ՎիվաՍել-ՄՏՍ-ի սպասարկման կենտրոնում, ինչպես նաեւ մասնակցել հետաքրքիր մրցույթների:
Միջոցառումն ուներ հետաքրքիր պարային կատարումներով համալրված հարուստ երաժշտական ծրագիր`բրեյք-դանս, հիպ-հոպ եւ կապուերա ոճերում: Սքեյթով ու անվաչմուշկով սահող երիտասարդները հավաքվածներին ոգեւորում էին իրենց վարպետությամբ: Հարեւանությամբ անց էր կացվում գրաֆիտիով նկարների մրցույթ:
Samsung GALAXY S III սմարթֆոնի ներկայացումն ուղեկցվում էր հետաքրքիր մեկ այլ մրցույթով նաեւ: Ամենակարճ ժամանակահատվածում Samsung GALAXY S III սմարթֆոնի ու ՎիվաՍել-ՄՏՍ-ի ապրանքանշանի խճանկարը համակարգչով հավաքած մասնակիցը ստացավ հաճելի մրցանակ` Samsung GALAXY S III սմարթֆոն: Արժեքավոր հեռախոսներ ստացան նաեւ մյուս հաղթողները: Մրցանակները հանձնեցին ՎիվաՍել-ՄՏՍ-ի գլխավոր տնօրեն Ռալֆ Յիրիկյանն ու Samsung Electronics-ի հայաստանյան ներկայացչության տնօրեն Անդրանիկ Շահբազյանը:
Samsung GALAXY S III-ը աշխատում է Android 4.0 (Ice Cream Sandwich) օպերացիոն համակարգով: Սմարթֆոնն ունի 4.8 դյույմանոց HD Super AMOLED (1280x720) էկրան: 8ՄԲ հզորությամբ 7 զրոյական փականով «խելացի» տեսախցիկը հնարավորություն է տալիս արագ լուսանկարել` առանց ժամանակ կորցնելու ֆոտոփականի ուշացման պատճառով, եւ կառաջարկի լուսանկարների խմբից լավագույն պատկերը: Սմարթֆոնն օժտված է բազմաթիվ այլ ֆունկցիաներով:
Երկար սպասված սմարթֆոնը կարելի է ձեռքբերել Հյուսիսային պողոտայում եւ Ամիրյան փողոցում տեղակայված եւ շուրջօրյա ռեժիմով գործող` ՎիվաՍել-ՄՏՍ-ի սպասարկման կենտրոններից, ինչպես նաեւ ընկերության սպասարկման այլ կենտրոններից: Սմարթֆոնն արժե 339 հազար դրամ: Բոլոր նրանք, ովքեր Samsung GALAXY SIII սմաթֆոնը նախապես առցանց պատվիրել էին ՎիվաՍել-ՄՏՍ-ի վեբկայքի միջոցով, այն ձեռք կբերեն 329 հազար դրամով: