Սննդամթերքի անվտանգության ոլորտում Հայաստանի օրենսդրությունը կհամապատասխանեցվի Եվրոմիության պահանջներին, մասնավորապես ապրանքների ազատ տեղաշարժի դրույթին: Կառավարության այս որոշման առնչությամբ երեկ վարչապետ Տիգրան Սարգսյանը նշեց, որ բոլոր սնունդ արտադրող ձեռնարկությունները պետք է ունենան ներքին հսկողությունՙ լաբորատորիաներ: Այդ լաբորատորիաներում նրանք պարբերաբար պարտավոր են ստուգել իրենց արտադրած սննդամթերքը: Սակայն եթե շուկայում հայտնաբերվի որեւէ սննդամթերք, որը վտանգավոր է, տվյալ ձեռնարկությունը կպատժվի: Այս մոտեցումը Տիգրան Սարգսյանը բնութագրեց որպես ձեւական ստուգումից անցում բովանդակային ռիսկերի գնահատմանը:
Ա. Մ.