Վլադիմիրում կայացած ծանրամարտի ՌԴ երիտասարդական առաջնությունում գերազանց ելույթ ունեցան հայ ծանրորդներ Արմեն Ալեքյանն ու Ալեքսանդր Սաֆարյանըՙ նվաճելով չեմպիոնի տիտղոսը: Արմենը մինչեւ 69 կգ քաշային կարգում երկամարտում ցույց տվեց 310 կգ (140+170) արդյունք: Կրասնոդարցի ծանրորդը 2-րդ տեղը գրաված Ֆելիքս Խալիբեկովին գերազանցեց 10 կգ-ով:
Սանկտ Պետերբուրգում բնակվող Ալեքսանդր Սաֆարյանն էլ ուժեղագույնն էր մինչեւ 77 կգ քաշայինների մրցավեճում: Նա էլ 16 կգ-ով առաջ անցավ արծաթե մեդալակիր Մարսել Ախմետովից:
Հայ ծանրորդներն ընդգրկվեցին ՌԴ երիտասարդական հավաքականի կազմում եւ կմասնակցեն տարեվերջին Իսրայելի Էլիաթ քաղաքում անցկացվելիք Եվրոպայի առաջնությանը: