Շատերը գիտեն, որ գազավորված ըմպելիքները հանգեցնում են ճարպակալման: Սակայն քչերն են կասկածում, որ այդ արդյունքին հասնելու համար բավական է ընդամենը 1 ամիս օգտագործել դրանք: Նման կարճ ժամկետում օրգանիզմը վերակառուցում է նյութափոխանակությունը եւ սկսում է էներգիա վերցնել ըմպելիքի շաքարից, չայրելով ճարպը: Այդ մասին հաղորդում է The Telegraph կայքէջը:
Դա հանգեցնում է հեռագնա հետեւանքների: Օրինակ, արյան մեջ բարձրանում է շաքարի տոկոսը, ստեղծելով 2-րդ տիպի շաքարախտի վտանգ: Բանգորի համալսարանի դոկտոր Հանս-Պետեր Կուբիշի խոսքերով, մարմնի մկանները կարողանում են ճանաչել ըմպելիքի շաքարը, նվազեցնելով նյութափոխանակության արդյունավետությունը ոչ միայն տվյալ պահին, այլեւ ապագայում:
Օրինաչափությունը բացահայտվել է 4 շաբաթ գազավորված ըմպելիք խմած կամավորների խմբում: Գեների ակտիվության փոփոխումը հանգեցրեց նրանց մկանային նյութափոխանակության խախտումների: Դրա հետեւանքով նույնիսկ արտաքուստ առողջ մարդկանց օրգանիզմում արձանագրվեցին առանձնահատկություններ, որոնք բնորոշ են ճարպակալմամբ եւ 2-րդ տիպի շաքարախտով հիվանդներին: Ուստի Կուբիշը խորհուրդ է տալիս հրաժարվել գազավորված քաղցր ըմպելիքից: