Ջերմուկում ընթացող շախմատի կանանց Գրան պրիի մրցաշարի 9-րդ տուրում Լիլիթ Մկրտչյանը ոչ-ոքի խաղաց առաջատարներից մեկիՙ Ցզյուն Վենցզյունի հետ: Իսկ ահա Էլինա Դանիելյանը պարտություն կրեց Նադեժդա Կոսինցեւայից: Մկրտչյանն ու Դանիելյանը 9 տուրից հետո վաստակել են 4-ական միավոր եւ բաժանում են 8-9-րդ տեղերը:
9-րդ տուրն ի հայտ բերեց մրցաշարի միանձնյա առաջատարին: Հաղթելով Եկատերինա Կովալեւսկայային, աշխարհի ներկայիս չեմպիոնուհի Հոու Յիֆանը 6,5 միավորով գլխավորեց աղյուսակը: 5,5 միավոր ունի Ժուան Լուֆեյը, որը հաղթեց Չժաո Սյուեին: 5-ական միավորով հաջորդ տեղերում են Կատերինա Լահնոն եւ Նադեժդա Կոսինցեւան: Լահնոն հաշտություն կնքեց Նինո Խուրցիձեի հետ: Ոչ-ոքի ավարտվեց նաեւ Մունգունտուլ-Կոներու պարտիան:
Այսօր կկայանա մրցաշարի նախավերջին տուրը: Մկրտչյանը կմրցի Համպի Կոներուի հետ, իսկ Դանիելյանի մրցակիցը կլինի Կատերինա Լահնոն: