Թուրքիայի արտգործնախարարն այդ կոչն արել է երեկ Կոնիայում` ընդունելով PKK-ի հետ կռիվներում վիրավորված զինծառայողներին եւ զոհվածների հարազատներին: Նա միաժամանակ պատասխանել է լրագրողների հարցերին: Թուրքիայում ապաստանած սիրիացիներին առնչվող հարցին ի պատասխան Դավութօղլուն, Դունիաբուլթենի կայքէջի վկայությամբ, ասել է. «Երբ փախստականների թիվը հասնի 100 հազարի, ապա խնդրո առարկա կդառնա զանգվածային արտագաղթը: Դա ինքնին մարդկային աղետ է, մենք միշտ կօգնենք սիրիացի եղբայրներին, սակայն իրավիճակը երկրում աղետի է վերածվում: Այս հարցը բարձրացնելու ենք ՄԱԿ-ի առաջիկա Գլխավոր ասամբլեայում: Սիրայում տիրող իրավիճակն այլեւս ներքին խնդիր չէ, սպառնում է հարեւան երկրներին: Ակնկալում ենք, որ ՄԱԿ-ը միջամտի զարգացումներին: Չմիջամտելու դեպքում ՄԱԿ-ը կկորցնի գոյության իմաստն ու իր առաքելությունը»:
Հ. Չ.