1994 թվականի դեկտեմբերի 19-ին Երուսաղեմում ստորագրվել է «Իսրայելի պետության կառավարության եւ Հայաստանի Հանրապետության կառավարության միջեւ մշակույթի, կրթության եւ գիտության ոլորտներում» համագործակցության համաձայնագիր, որի հիման վրա երեկ մշակույթի նախարարությունում ստորագրվեց «ՀՀ կառավարության եւ Իսրայելի կառավարության միջեւ 2012-2014 թթ. համար կրթության, գիտության, մշակույթի, սպորտի եւ երիտասարդության ոլորտներում համագործակցության մասին» փաստաթուղթը, ինչպես նաեւ ՀՀ մշակույթի նախարարության եւ Իսրայելի սփյուռքի եւ տեղեկատվության նախարարությունների միջեւ 2013-2015 թթ. համագործակցության աշխատանքային ծրագրեր` մշակույթի նախարար Հասմիկ Պողոսյանի եւ Իսրայելի սփյուռքի եւ տեղեկատվության նախարար Յուլի Իոել Էդելշտեյնի կողմից: ՀՀ մշակույթի նախարարը իր հերթին ասաց, որ այս պայմանագիրը հնարավորություն կտա Հայաստանում եւ Իսրայելում անցկացնել փոխադարձ մշակույթի օրեր, ինչպես նաեւ արվեստի տարբեր ոլորտներում մասնագետների, մանկական եւ երտասարդական խմբերի փոխայցեր»:
Հավելենք, որ երեկ Հ. Պարոնյանի անվան երաժշտական կոմեդիայի պետական թատրոնում տեղի ունեցավ պետական աջակցությամբ հրատարակված «Հրեական համայնքը Հայաստանում» գրքի շնորհանդեսը, ինչպես նաեւ համերգ` նվիրված Հայաստանի հրեական համայնքի 20-ամյակին:
Մ. Հ