Ճապոնիայի մինչեւ 16 տարեկանների հավաքականը կրկին գերխոշորՙ 7-0 հաշվով հաղթանակ տոնեց ֆուտբոլի ակադեմիայում անցկացված ընկերական մրցախաղում: Այս անգամ ճապոնացիների մրցակիցը Հայաստանի մինչեւ 17 տարեկանների պատանեկան հավաքականն էր: Հիշեցնենք, որ նման հաշվով ճապոնացիները մի քանի օր առաջ Հանքավանում հաղթել էին Հայաստանի մինչեւ 16 տարեկանների հավաքականին:
Երեկ Ճապոնիայի պատանեկան հավաքականը Երեւանից մեկնեց Իրանՙ մասնակցելու մինչեւ 16 տարեկանների Ասիայի պատանեկան առաջնության եզրափակիչ փուլին: