Օրերս Աստանայում տեղի ունեցած հեռուստատեսային փաստավավերագրական ֆիլմերի «Տեֆի-Համագործակցություն» միջազգային փառատոնի ժամանակ «Էդուարդ Ղազարյան. Հրաշագործը» ֆիլմն արժանացել է Տեֆի մրցանակի:
Արդեն երկրորդ տարին է, ինչ այս միջազգային փառատոնն անցկացվում է, նախորդ տարի տեղի է ունեցել Կիեւում: Փաստավավերագրական ֆիլմը միջազգային փառատոնին ներկայացրել է Հ2 հեռուստաալիքը:
Էդուարդ Ղազարյանը Լոնդոնի արվեստների ակադեմիայի կողմից 2002-ին ճանաչվել է «Տարվա մարդ», չորս անգամ գրանցվել է ռուսական «ԴԻՎՈ» ռեկորդների գրքում: «Էդուարդ Ղազարյան. Հրաշագործը» ֆիլմն առաջին ընդգրկուն անդրադարձն է հանրահայտ միկրոքանդակագործի կյանքին եւ ստեղծագործությանը:
Մ. Հ.