Մոսկվայում ընթացող սամբոյի աշխարհի գավաթի խաղարկության եզրափակիչ փուլի մրցումների 2-րդ օրը նոր, ավելի մեծ հաջողություն բերեց Հայաստանի հավաքականին: Մինչեւ 82 կգ քաշային կարգում մարզական սամբոյի մրցաշարում գերազանց հանդես եկավ Երեւանի սամբոյի եւ ձյուդոյի օլիմպիական մարզադպրոցի Ստեփանակերտի մասնաճյուղի սան, աշխարհի եւ Եվրոպայի բազմակի չեմպիոն ու մրցանակակիր Աշոտ Դանիելյանըՙ արժանանալով ոսկե մեդալի: Նա հաղթեց իր բոլոր մրցակիցներին, այդ թվում նաեւ եզրափակիչում իրեն բաժին հասած Սերգեյ Կուրյուխինին: Հիշեցնենք, որ նախորդ օրը քաշային այս նույն կարգում, մարտական սամբոյի մրցաշարում արծաթե մեդալի էր արժանացել արցախցի մեկ այլ սամբիստՙ Մավրիկ Նասիբյանը: