Կառավարության այսօրվա նիստում որոշում կընդունվի տրանսպորտային միջոցին հատկացված, սակայն հաշվառման պահին չտրամադրված ցանկալի կամ մեծ պահանջարկ ունեցող համարանիշների փոխարեն «Ժամանակավոր» համարանիշներ տրամադրելու, ինչպես նաեւ տրիցիկլերին, քվադրոցիկլերին, մոտոսայլակներին եւ մոտոտրանսպորտային միջոցներին (մոտոցիկլետներ, մոտոռոլլերներ, մոպեդներ, մոտոսահնակներ), ավտոմոբիլներին հատկացվող հաշվառման համարանիշների տեսքից տարբերվող տեսքի հաշվառման համարանիշներ հատկացնելու մասին:
«Ժամանակավոր» համարանիշների սահմանումը պայմանավորված է նրանով, որ հաշվառման պահին ցանկալի կամ մեծ պահանջարկ ունեցող հիմնական համարանիշի տրամադրված չլինելը հնարավորություն չի տալիս մինչեւ դրանց ստանալը շահագործել տրանսպորտային միջոցները: «Ժամանակավոր» համարանիշներ ունենալու դեպքում դրանք կարող են անարգել շահագործվել: «Ժամանակավոր» համարանիշները տրամադրվելու են 7 օր ժամկետով` մինչ ցանկալի կամ մեծ պահանջարկ ունեցող հիմնական համարանիշի տրամադրումը:
Հաշվառման համարանիշների տեսքից տարբերվող տեսքի հաշվառման համարանիշների տրամադրմամբ էլ կհեշտանա տրիցիկլերի, քվադրոցիկլերի, մոտոսայլակների եւ մոտոտրանսպորտային միջոցների (մոտոցիկլետներ, մոտոռոլլերներ, մոպեդներ, մոտոսահնակներ) հաշվառման շտեմարանի վարումը:
Ա. Մ.