Ահա եւ ավարտվեց անիմացիոն տոնը Երեւանում: «ՌեԱնիմանիա» միջազգային անիմացիոն 4-րդ կինոփառատոնը այս տարի հյուրընկալեց անիմատորների Բրազիլիայից, Գերմանիայից եւ Ռուսաստանից, որոնք տեղական ժյուրիի հետ որոշեցին այս տարվա հաղթող ֆիլմերը, ինչպես նաեւ անցկացրեցին սեմինարներ ու վարպետության դասընթացներ: Այս տարի փառատոնին ներկայացվել է մոտ 400 ֆիլմ` աշխարհի չորս տասնյակից ավելի երկրներից:
Փառատոնի հաղթող ֆիլմերն են. լիամետրաժ մրցույթային ծրագրում «Մարդկային ողբերգություն», կարճամետրաժ մրցույթային ծրագրում «Չինտի», ավարտական մրցույթային ծրագրում «366 օր», հեռուստատեսային գովազդ մրցույթային ծրագրում «Կանգնելով հանուն ազատության», մանկական ժյուրիի ընտրությունՙ «Հանդուրժիր ինձ», երաժշտական մրցույթային ծրագիր` «Դաշնամուրի ոգիները» ֆիլմերը:
Մ. Հ.