Նոյեմբերի 10-ին Հաագայի «Աբովյան» մշակութային միության նախաձեռնությամբ տեղի ունեցավ հանդիսավոր միջոցառում` նվիրված հայ մեծանուն տաղերգու Սայաթ-Նովայի ծննդյան 300-ամյակին:
Միջոցառմանը հոլանդացի եւ հոլանդահայ մասնակիցներին ողջույնի խոսք հղեց Նիդեռլանդներում ՀՀ դեսպան Ձյունիկ Աղաջանյանը : ՀՀ դեսպանը խոսեց Սայաթ-Նովայի դերի ու նրա տաղերում արտացոլված փիլիսոփայության նշանակության մասին` նշելով, որ ազնվության, արդարության, համերաշխության ու մարդկայնության մասին նրա խրատները նույնքանով արդիական են այսօր, որքան աշուղի կյանքի օրերին: Սայաթ-Նովայի կյանքի ու ստեղծագործության մասին ելույթով հանդես եկավ Անուշավան Կիրակոսյանը :
Սայաթ-Նովայի կատարումներով ելույթ ունեցավ Դեն Բոշի «Արարատ» համույթը, իսկ պարային համարներով` «Աբովյան» մշակութային միության մանկական պարի խումբը: