Երեկ ՀԴԿ նախագահ Արամ Սարգսյանը , անդրադառնալով վերջին քաղաքական զարգացումներին եւ նախագահական ընտրություններից առաջ առկա իրավիճակին, ընդամենը մեկ բաժակ ջրում փոթորիկ է անվանել տեղի ունեցողը: Եվ բացատրել է, թե ինչու է այդպես կարծում. ըստ նրաՙ այժմ գործող համակարգը եւ իշխանությունը հնարավորություն չեն տալիս նախագահական ընտրություններին խորհրդարանական ընտրություններից տարբեր արդյունք գրանցելու: Ընդհանուր առմամբ, նրա կարծիքով, երեք նախագահների ժամանակաշրջանը պետք է ավարտվի, որ ինչ-որ բան փոխվի: Նա խոսեց երկրի ամենամեծ խնդիր սոցիալական բեւեռացման, արտագաղթի մասին` այդ եւ համանման հարցերը պետք է լուծել, ու եթե գործող նախագահի կողմից գործնական քայլեր տեսնի երկրում կուտակված խնդիրների լուծման ուղղությամբ, ապա գուցեւ ՀԴԿ-ն քննարկի նախագահական ընտրություններում նրան աջակցելու տարբերակը: