Երկօրյա աշխատանքային այցով պաշտպանության նախարար Սեյրան Օհանյանը մեկնել է Աֆղանստանի Իսլամական Հանրապետություն: Նախարարը կհանդիպի Աֆղանստանի պաշտպանության նախարար Բիսմալա խան Մոհամադիի, Աֆղանստանի Միջազգային անվտանգության աջակցման ուժերի (ԱՅՍԱՖ) հրամանատարի տեղակալ Նիք Քարթերի, ԱՅՍԱՖ-ի հյուսիսային հրամանատարության, գեներալ-մայոր Էրիֆ Փֆեֆֆերի հետ: Հանդիպման ընթացքում կքննարկվեն ԱՅՍԱՖ-ի կազմում Հայաստանի ներգրավվածությանը վերաբերող հարցեր: Սեյրան Օհանյանը կայցելի նաեւ ԱՅՍԱՖ-ի հյուսիսային հրամանատարության կազմում, գերմանական հրամանատարության ներքո 2010թ. փետրվարից գործող Կունդուզում եւ Մազարի Շարիֆում տեղակայված հայկական զորախմբերին:
Հ. Հ.