Նոյեմբերի 30-ին, ժամը 19-ին «Արամ Խաչատրյան» համերգասրահում կկայանա Հայաստանի պետական ֆիլհարմոնիկ նվագախմբի 2012/2013 թթ. համերգաշրջանի հերթական համերգը:
Համերգի ընթացքում կհնչեն Սիբելիուսՙ «Տխուր վալս», Էլգարՙ թավջութակի կոնցերտ, Շումանՙ «Մանֆրեդ» նախերգանք: Երեւանյան պրեմիերա շարքում կներկայացվի Սիբելիուսի «Սագա» ստեղծագործությունը: Համերգի դիրիժորն է Հարություն Արզումանյանը, մենակատարըՙ Իսրայելից հրավիրված թավջութակահար Ալեքսանդր Կագանովսկին:
Մ. Մ.