Պավլոդարի շախմատի մրցաշարի 6-րդ տուրում Ավետիք Գրիգորյանը ոչ-ոքի խաղաց Ռինատ Ջումաբաեւի հետ եւ 5 միավորով Պյոտր Կոստենկոյի, Վլադիսլավ Արտեմեւի եւ Անվար Իսմագամբետովի հետ շարունակում է գլխավորել աղյուսակը: 7-րդ տուրում Գրիգորյանը կմրցի Իսմագամբետովի հետ:
Հաշտություն կնքեց նաեւ Զավեն Անդրեասյանը, որը մրցում էր Բերիկ Ակոզովի հետ: Զավենը 4,5 միավորով հետապնդում է առաջատարներին: Հովհաննես Գաբուզյանն էլ ոչ-ոքի ավարտեց պարտիան Կիրիլ Կուդերինովի հետ: Նա ունի 4 միավոր: Տուրն անհաջող էր Հրայր Սիմոնյանի համար, որը պարտվեց Կոնստանտին Շանավային: Սիմոնյանը վաստակել է 3,5 միավոր: