Երեւանում ընթացող բռնցքամարտի աշխարհի երիտասարդական առաջնությունում երեկ կայացան կիսաեզրափակիչ մենամարտերը: Պայքարը շարունակող հայաստանցի 2 բռնցքամարտիկներից միայն Նիկոլ Հարությունովին հաջողվեց եզրափակիչի ուղեգիր նվաճել: Մինչեւ 81 կգ քաշային կարգում հայ բռնցքամարտիկը վստահ անցկացրեց մենամարտը ռուսաստանցի Իդրիս Շախմանովի հետ` հաղթելով 19-9 հաշվով: Այսօր կայանալիք վճռորոշ մենամարտում Հարությունովն աշխարհի չեմպիոնի տիտղոսը կվիճարկի շոտլանդացի Սկոտ Էնտոնի Ֆորեստի հետ, որը 13-7 հաշվով պարտության էր մատնել վրացի Ալեքսանդր Դոկվաձեին:
Գերծանրքաշային Նարեկ Մելքոնյանը պարտվեց անգլիացի Հյուի Լուիս Ֆերիին (5-13) ու բավարարվեց բրոնզե մեդալով: Եզրափակիչում Ֆերիի մրցակիցը կլինի հնդիկ բռնցքամարտիկ Նարենդերը: