Դեկտեմբերի 13-14-ը Հայաստան են այցելելու Լեհաստանի, Շվեդիայի եւ Բուլղարիայի արտաքին գործերի նախարարներ Ռադոսլավ Սիկորսկին, Կառլ Բիլդտը եւ Նիկոլայ Մլադենովը:
ԱԳՆ հաղորդագրության համաձայն, այցի ընթացքում Լեհաստանի, Շվեդիայի եւ Բուլղարիայի արտաքին գործերի նախարարներին կընդունեն նախագահ Սերժ Սարգսյանը եւ վարչապետ Տիգրան Սարգսյանը: Նախարարները կհանդիպեն նաեւ ՀՀ ԱԺ-ում ներկայացված քաղաքական կուսակցությունների ներկայացուցիչների հետ:
Տեղի կունենան Հայաստանի եւ Լեհաստանի, Շվեդիայի եւ Բուլղարիայի արտգործնախարարների բանակցությունները եւ համատեղ մամուլի ասուլիսը:
Այցի ընթացքում կքննարկվեն Հայաստան-ԵՄ հարաբերությունների ընթացիկ վիճակը, Արեւելյան գործընկերության շրջանակներում համագործակցության խթանման հեռանկարները եւ կուրվագծվեն առաջիկա անելիքները` 2013 թ. Վիլնյուսում կայանալիք Արեւելյան գործընկերության գագաթաժողովին ընդառաջ:
Վ. Պ.