Երեկ առավոտյան (Հայաստանումՙ օրվա ավարտին), Մ. Նահանգների Նյու Ջերզի քաղաքից ոչ հեռու, Նյոթաուն քաղաքի տարրական դպրոցում սպանդ է տեղի ունեցել. երկու ատրճանակով զինված մի երիտասարդ ներխուժել է դպրոց այն պահին, երբ երեխաները սրահում առավոտյան հավաքի էին: Զույգ ատրճանակներից մոտավորապես 20 տարեկան երիտասարդը կրակ է բացել երեխաների եւ ուսուցիչների ուղղությամբ եւ սպանել ավելի քան 27 հոգու, որոնցից 18-ըՙ 6-12 տարեկան երեխաներ: Կան նաեւ բազմաթիվ վիրավորներ: Վրա հասած ոստիկանությունը սպանել է ոճրագործին, եւ այժմ, մինչ մեր թերթը գնում է տպարան, որոնում է նրա հավանական մեղսակցին: Մ. Նահանգներիՙ նմանօրինակ դեպքերով հարուստ պատմության մեջ զոհված երեխաների թվով սա ամենաարյունալի դեպքն է: