«Կրասնոդարի» նախկին հարձակվող Յուրա Մովսիսյանն ու «Կուբանի» կիսապաշտպան Արաս Օզբիլիսն ընդգրկվել են Կրասնոդարի երկրամասի լավագույն ֆուտբոլիստների եռյակում: Հարցմանը մասնակցել են 52 լրագրողներ:
ՀՀ հավաքականի հարձակվող Յուրա Մովսիսյանը 127 միավորով գրավել է 2-րդ տեղը, իսկ Օզբիլիսը եզրափակել է լավագույն եռյակը: Լավագույն ֆուտբոլիստ է ճանաչվել «Կուբանի» դարպասապահ Ալեքսանդր Բելենովը, որի օգտին 220 միավոր է գրանցվել: Ընդհանուր առմամբ հարցաթերթիկում նշվել է 18 ֆուտբոլիստի ազգանուն: