ԱՄՆ-ում բնակվող հայ շախմատիստներ Սամուել Սեւյանն ու Մելիքսեթ Խաչիյանը շարունակում են հաջող ելույթները «23-րդ Մետրոպոլիտեն» մրցաշարումՙ 4,5-ական միավորով գլխավորելով աղյուսակը: 12-ամյա Սեւյանը 4-րդ տուրում հաղթեց ռուսաստանցի Ռոման Յանկովսկուն, ապա հաշտություն կնքեց Արթուր Չիբուխչյանի, Ալեխանդրո Ռամիրեսի եւ Մելիքսեթ Խաչիյանի հետ: Վերջինս ոչ-ոքի խաղաց նաեւ Ջանիբեկ Ամանովի ու Վիկտոր Շենի հետ, հաղթեց Կեատոն Կիեւրային:
Արթուր Չիբուխչյանը Ալեխանդրո Ռամիրեսի հետ 4-ական միավորով հետապնդում է առաջատարներին: Նա հաշտություն կնքեց Վիկտոր Շենի ու Անդրանիկ Մատիկոզյանի հետ, հաղթեց Դարվին Յանգին: Անդրանիկ Մատիկոզյանն ունի 3 միավոր: