Փետրվարի 19-ին, 95 տարեկան հասկանում, կյանքից հեռացել է ՀՀ ժողովրդական արտիստ, Երեւանի պատվավոր քաղաքացի, դերասան, սենարիստ, ռեժիսոր Երվանդ Մանարյանը :
Հայ կինոդիտողի ու թատրոնի հանդիսատեսի կողմից անչափ սիրված Երվանդ մանարյանը ծնվել էր 1924թ., Արաքում (Իրան): Սովորելՙ տեղի Հայկազյան դպրոցում, այնուհետեւՙ Թեհրանի ամերիկյան, պարսկական քոլեջներում: 1946թ. մեծ ներգաղթի ժամանակ տեղափոխվել է մայր հայրենիք եւ սովորել Երեւանի գեղարվեստաթատերական ինստիտուտում:
Տարբեր տարիներին աշխատել է Հ. Պարոնյանի անվան երաժշտական կոմեդիայի թատրոնում, Հովհ. Թումանյանի անվան տիկնիկային թատրոնում, «Ագուլիս» տիկինակային թատրոն-ստուդիայում, Գորիսի թատրոնում, Երեւանի փաստագրական ֆիլմերի ստուդիայում, Երեւան կինոմիավորումում եւ այլուր: 2007թ.-ից Կիեւի տիկնիկային հայկական թատրոնի հիմնադիր ղեկավարն է:
«Տժվժիկ», «Տերն ու ծառան», «Սպիտակ ափեր» եւ բազում այլ ֆիլմերի սցենարի հեղինակն է: Մարմնավորել է մի շարք դերեր: Հայ կինոյի պատմության մեջ անմոռանալի ու անկրկնելի է նրաՙ «Հարսնացուն հյուսիսից» ֆիլմում մարմնավորած Երվանդի կերպարը:
Գ. Գ.